2024年新人张运儿Yoona，日前现身尖沙咀一间cafe担任一日店长，过去未曾试过在餐厅打工的Yoona在整个过程中战战兢兢，但同时亦感到满满的新鲜感，而fans现身撑场亦令她十分感动。Yoona另外亦有现场献唱，懂流利韩文的她除了演绎自己的作品外，更自弹自唱多首韩文歌，博得热烈掌声与欢呼声。

Yoona日前在尖沙咀的婆婆珈琲屋担任一日店长，由于店舖内设小卖部，所以Yoona当日身兼多职，Yoona分享道：「我喺喺楼面、小卖部同埋厨房试咗唔同岗位，仲试整咗cocktail同埋甜品。我以前係未整过任何cocktail，今次係第一次。」Yoona在学习製作cocktail的时候份外留心，对于一些小技巧亦乐于多加尝试，做起来亦有板有眼，得到café老闆的嘉许。试过製作cocktail后，Yoona兴奋道：「原来当中有好多步骤，例如要用火枪烧肉桂条，提升cocktail嘅烟燻味，最后装饰部份亦都要再次用火枪处理，成个过程好好玩好神奇，我亦完成咗人生第一杯cocktail，试饮之后都发现係好好味㗎！」

除了担任一日店长外，Yoona亦在餐厅中献唱，除了唱出自己今年推出的两首新歌〈Hallucinate〉及〈What am I looking for〉外，亦有自弹自唱莫文蔚〈呼吸有害〉、古巨基〈爱得太迟〉，能操流利韩文的Yoona也演绎了FIFTY FIFTY〈Cupid〉、NewJeans〈Supernatural〉及2NE1〈Lonely〉等作品，Yoona特别将歌曲重新编曲，为歌曲带来不一样的新鲜感。Yoona演出过后说：「未做歌手之前都试过busking，喺大学同旺角街头演出，今次喺餐厅演唱嘅感觉又唔同啲，因为有fans同朋友特登过嚟听，当中亦有一啲walk in嘅食客，好开心可以喺佢哋享受紧同朋友一齐食饭嘅时间，都可以分享我嘅音乐俾大家听，有啲观众仲话好喜欢我拣嘅某几首歌，听完都好有共鸣，所以嗰一刻觉得好正，因为可以好近距离同大家互动。」

今次亦算是Yoona首次跟fans见面，她笑言在这个场合相遇很有趣，她说：「我可以用店长嘅身份serve我嘅fans，期间又可以同大家倾下偈、影下相。不过我帮手出菜嘅时候都有少少紧张，但大家超包容我，所以好近距离接触我嘅fans，完全feel到佢哋好support我嘅感觉。唱歌嘅时候，大家又会静心欣赏，有时又会俾feedback我，所以今次嘅经历係好开心。」