【on.cc东网专讯】前港姐冠军庄子璇早前迷上了韩国综艺节目《黑白大厨》，除了狂煲节目外，近期得知在节目中担任评判的安成宰开设的餐厅，原来在香港也有分店，于是立即打扮得靓靓前往「朝圣」。子璇品尝过安成宰餐厅后后激讚厨艺，觉得大厨的菜式相当犀利，她说：「餐厅同佢喺《黑》想表达嘅好似，好精緻，但又唔会有多余嘢，自己最锺意食前菜，其中一样前菜望落去好似係一个普通嘅虾寿司，但下面原来唔係饭，係薯仔嚟，一啖咬落去有唔同口感。另一个前菜睇落係萝蔔下面一个挞，以为好简单，但食落去就好多唔同味涌埋嚟。」

女仔最锺意吃甜品，子璇也不例外，她笑说：「有个甜品，好似食净一啖嘅雪糕，食落係柚子味，但吞咗之后条脷就留有苿莉茶嘅余香，果然係三星餐厅，真係好犀利。」庄子璇直言追节目期间也有想过飞去韩国品尝节目中厨师的餐厅，加上自己未到过韩国，相当有兴趣前往朝圣。

【更多影剧新闻详情请上东网新闻】