由田蕊妮监製及主持嘅《港女万岁》今年1月于《喱骚》上架，大谈港女话题，反应叫好叫座。田蕊妮随即决定开拍第二季《港女又万岁》，节目组筹备近半年，与逾百个艺人、KOL及素人会面，探索更多具争议性嘅人物及更爆嘅话题。日前（18日）《港女又万岁》开播，首两集以「港男讲女」为主题，邀请到吴浩康、Kolor主音Sammy和廿四味阿肥（陈伟雄）作嘉宾，与田蕊妮、嘉宾主持杨诗敏（虾头）和贝依霖（Chantale）大数港女特质，当中亦提及男人召妓和出轨敏感话题。

节目中，田蕊妮讲到「男人都係9个滚，剩低嗰个仲谂紧。」3位男嘉宾表示同意，吴浩康指：「依家唔滚嘅会有，但冇滚过嘅我就唔信。」之后又承认自己曾出轨，但依家唔会再咁样；3人亦觉得召妓与出轨係两回事，阿肥认为：「出轨係个心郁咗，召妓只是性需要。」不过，佢哋就同意田蕊妮嘅讲法，认同男人喺老婆与小三之间选择，最后都係会返老婆身边。贝依霖提到自己经常遇到已婚男士，对方都会指与老婆已经无晒爱情可言，田蕊妮表示自己见过好多呢类Case︰「通常啲男人偷食，都係话同个老婆冇感情，之后一定会畀个名份你，到咗有咩问题发生，嗰啲男人一定係返老婆度，我真见过好多呢啲case！」

贝依霖又分享自己十四五岁时遇到一名男性追求者，指对方都係同佢讲与老婆感情变淡︰「呢句说话我听咗十几年喇！十几年前，已经有个男人同我讲，话同个老婆有问题。嗰阵时约咗我出去，想签我去佢本杂誌度，之后俾人影到上咗封面。」贝依霖并无公开对方姓名，但就透露该男士老婆係歌手，当时开紧演唱会：「佢都係咁同我讲：『我老婆好靓女，我好爱我老婆，不过佢已经係我屋企人，只有感情不是爱情』」。吴浩康随即表示知道係边个：「I know who！」唔少网民亦留言讨论当事人係边个。

按此下载全新Yahoo APP，睇尽最新娱乐新闻、乐坛消息、名人热话、热门电影、Netflix剧评，新人更可换领限量新人礼，立即下载！