2010年三料冠军港姐陈庭欣（Toby），多年来主要都係做主持，虽然拍剧集机会唔算多，但亦有令人印象深刻嘅角色。不过，陈庭欣感情生活比演艺事业更为精彩，与翟威廉秘密发展地下情5年、与律师唐伟伦拍拖，去到2018年与拥10亿身家嘅彩丰行老闆杨振源 （Benny）拍拖，生活越来越富贵，由九龙湾启晴邨住到3千呎九肚山洋房。最近佢遇上家居意外，导致暂时冇窗帘用，情急生智嘅Toby竟然谂到用多个名牌纸袋当窗帘。

日前陈庭欣喺IG出Story表示喺夜晚时分窗帘连路轨突然跌下，但佢屋企又一个螺丝批都冇，虽然得到邻居借螺丝批，但啲螺丝已经「蚀晒」。Toby喺情急之下谂到将Hermès及LV嘅名牌纸袋贴喺玻璃暂当窗帘，另外喺限时动态图片亦发现有有FENDI、Zadig & Voltaire等纸袋，真係非常富贵呀！

陈庭欣曾分享于家中做瑜珈照片，令豪宅意外曝光，超高楼底、大厅空间宽敞，选用木製家具、大理石大圆餐桌，又有天台、车库及花园等，对比以往公屋可谓几级跳。

按此下载全新Yahoo APP，睇尽最新娱乐新闻、乐坛消息、名人热话、热门电影、Netflix剧评，新人更可换领限量新人礼，立即下载！