近年医美盛行，莫讲话艺人，咩人都可以变靓。梁思浩同吴家乐主持嘅网上节目《娱乐好好玩》就提到整容话题，嘉宾主持邓兆尊自爆被阿妈祥嫂（洪金梅）捉去动刀！

梁思浩讲起整容话题，就问身边嘅邓兆尊「TVB签你有冇叫你去整容，因为佢叫我去整……」，迟过梁思浩入行嘅吴家乐就话佢地嘅年代都有叫人去整容，仲话箍牙係基本。梁思浩提到80年代出道时，曾经被TVB话佢对眼太细，后来艺员部阿头仲带思浩去中环搵整容医生，提议喺眼皮开刀。「我话开完之后咁我点拍呀？『好快㗎咋，两个月』，我话我只眼会唔会变大？佢话冇变大，不过变咗双眼皮啫。」梁思浩指刚刚入TVB时人工只得3千蚊，但整容手术要万二蚊。梁思浩于是同艺员部讲要整的话就由TVB埋单，但艺员部拒绝，于是梁思浩索性唔整双眼皮。

梁思浩之后再爆料话，同一位天王巨星识于微时，多年前「天王」想割双眼皮，并问佢意见。思浩笑言当年同「天王」做过一件低能事，就係攞把间尺笃入去眼皮，「模拟」割双眼皮效果。「我哋嗰时冇双眼皮胶纸，我话笃咗入去之后唔好郁，睇吓係咪靓啲？係靓啲喎，佢就係俾我咁样说咗，佢就决定『咁好啦』」。思浩指对方割完双眼皮之后事业运一跃而起，而旁边嘅吴家乐就哼住黎明嘅《夏日倾情》有所暗示，梁思浩否认当事人係Leon，但就提水话嗰位「天王」冇唱歌，主力拍戏。

按此下载全新Yahoo APP，睇尽最新娱乐新闻、乐坛消息、名人热话、热门电影、Netflix剧评，新人更可即时换领限量新人礼，立即下载！