炎明熹（Gigi）疑因有意唔续约TVB而遭雪藏近半年，工作量大减，就连每年台庆盛事都无份出席，直至早前推出新歌《最动人一次》，又为主演嘅音乐特辑《恋上西沙》出席宣传活动，不过大会当日就以炎明熹赶时间为理由，未有安排佢接受访问。

炎明熹疑似「解冻」出席活动，获数百「Gi炎粉」撑场，场面相当墟冚。不过，吴家乐与江美仪于前日（16日）网台节目《娱乐好好玩》提及炎明熹出席活动一事，吴家乐指相信係因为之前拍好咗个地产商广告，与雪藏与否无关：「点解咁讲呢？因为呢单嘢係拍落咗，同埋因为佢係一个地产商广告，已经畀咗钱、签咗、拍咗，简单讲句一定要出。你话雪唔雪藏呢，佢根本连访问冇时间就走⋯⋯」当日，炎明熹只有喺活动尾声走落台与「Gi炎粉」合照，并表示好开心出席活动，感觉好温暖，又指一定会再出席公开场合；惟大会以炎明熹赶时间为理由拒绝接受访问。吴家乐表示，曾翻看当日片段，见到炎明熹唱完歌后已有记者问问题，但当时其咪高峰已被关掉，工作人员又将炎明熹带离会场。吴家乐直言：「佢被雪藏紧或者停工阶段，有几忙呢？可能赶住上堂啰」，但谢逊表示有网民发现活动结束后不久，炎明熹于社交平台PO出玩猫照。

吴家乐又用早前林明祯缺席主演电影《手机见鬼》首映一事作例子，指搵品牌赞助或借商场搞宣传活动嘅条件必定係主角出现，否则对方有权唔借场及唔赞助，林明祯当晚失场已经无咗个赞助，认为炎明熹呢次情况与林明祯雷同，唔出现就会好大镬：「拍咗唔出街，咪大镬啰，究竟边个负责呢？唔关佢事，佢拍咗啦嘛，你已经知道个责任去咗边度啦，既然大家都唔需要负呢个责任，将条片出咗街咪得啰，将只歌上咗架咪得啰，佢拍嘅环境、地方都同个地产商有关㗎嘛。」炎明熹喺过往半年期间，积极经营社交平台，被主持们激讚炎明熹为人，于雪藏期间从无讲过不满TVB嘅说话，觉得佢好叻女，又指炎明熹今年先19岁第时大把机会。

按此下载全新Yahoo APP，睇尽最新娱乐新闻、乐坛消息、名人热话、热门电影、Netflix剧评，新人更可换领限量新人礼，立即下载！