张致恒同太太区燕雯（雯雯）婚后育有4子，虽然平时都有努力打工搵食，然而仍长年陷入经济困境，太太更不时喺社交网呻穷、嗌离婚，令佢哋分别被网友封为「炒散界KOL」及「离婚界KOL」。而日前（25日）张致恒喺社交网晒出一张宣传相，原来佢被邀请去酒吧做倒数派对嘅特别嘉宾，引嚟唔少网友祝贺「重操歌手旧业」。网友戥佢有工开开心之余，更有网友认为宣传相将张致恒P到冇人认得：「今次唔减减肥唔得啦？」更有人指是AI生成。对此张致恒亦认同道：「大X镬。」