近期抽盲盒公仔成为一个潮流，人人都迷上了，就连梁业（Fatboy）都是中毒者！他甚至迷得推出新歌〈MASCOT〉，自己更在MV中以一身Mascot打扮示人。

「Mascot」有公仔、吉祥物的意思，近期大热的Labubu便是mascot，这亦是Fatboy近期的至爱，于是由此出发，创作出〈MASCOT〉一曲，Fatboy道：「我呢期比较锺意Labubu，歌曲就係inspired by佢喇！而家都好多人锺意买公仔，或者身上嘅饰物，都会有mascot，所以今次嘅内容，係讲有只mascot陪伴你，就会好开心。」〈MASCOT〉由T-Ma作曲，新鲜出炉金马影后锺雪填词，当中道出了Fatboy希望传递的快乐讯息，而歌曲风格亦从90年代的一些经典金曲中取经，Fatboy续道：「我哋ERROR玩开复古嘢，今次就会有少少似Aqua〈Barbie Girl〉嘅Disco EDM Music多啲，另外亦参照咗我偶像郭富城〈Para Para Sakura〉嘅少少feel，成首歌有少少似同只mascot互动玩嘅感觉。」

不少人都锺意mascot，Fatboy在〈MASCOT〉MV中亦为大家带来惊喜，有不同大小的mascot登场，他介绍：「MV除咗我嘅打扮似一只mascot之外，我都特登设计咗一只mascot，佢双眼矇矇地，但其实佢都係一只恶魔，呢只mascot叫做Arthur，又名阿花。MV 场景仲多咗两个293嘅物体，佢其实係平时啲吹气公仔，佢嘅movement同193嘅movement係一样，所以我叫佢做293。」之前ERROR〈黄金圣衣〉中的济典娜成为MV一大惊喜，今次Fatboy同样邀请到猛人参与！他笑着说：「今次请唔到济典娜过嚟，但就搵咗阿部济，又或者叫佢做济八通，今次佢客串担演说书人 ，喺入面串连故事，但其实佢都係值得被欺淩嗰个。济哥今次嘅造型，係一个破格嘅演出，你知啦！佢成日笑ERROR扮鬼扮马，今次俾佢扮喇！」

看过〈MASCOT〉MV，或者会觉得整个製作，以至Fatboy的舞步都有暴走感觉，不依正轨发展，亦与Fatboy平时型爆的舞技截然不同，他自己也坦言：「今次係偏向得意但未必係最靓最可爱嘅类型，但都希望大家锺意〈Mascot〉啦！」