TVB处境剧《爱·回家之开心速递》自2017年播出至今已超过2500集，剧情轻鬆搞笑又温馨，深得观众喜爱，唔少艺员更凭剧中角色成功入屋。近日网上流传一张《爱·回家》演员每集人工嘅图片，随即引起网民热烈讨论。

喺近日网上流传一张《爱·回家》演员每集人工嘅图片中，唔少剧中演员嘅人工都有列出，而当中每集人工最高$22750嘅就係曾客串嘅欧阳震华，之后就轮到「熊树根」刘丹嘅$6000、「金城安」周嘉洛嘅$5750及「熊树仁」单立文嘅$5500，而最低嘅係$0嘅「龙舟」何晋乐。

唔少网民见到演员每集嘅人工后都议论纷纷，例如「唔係好信 咁计拍一集咪成10万以上？拍呢啲剧就係想低成本点会咁揼本呢」、「一睇就知假」、「可信程度不高」、「冇$收果位系义工？」、「何晋乐冇人工？」、「点解会有$0？群姐只有$750」、「0蚊係咩事，贴钱返工？」、「素素自己出埋资做金主 点会5000 负唔知几多钱就差唔多」、「5000果位女乜料？多过大小姐？」、「群姐应该唔止咁少，咁多人钟意睇佢」、「同工不同酬，「素素」个价仲多过洪家姊妹同大小姐⋯⋯」、「根叔拍足一星期係咪净袋42000」及「流料，5旧水一集 边有人做啊」等等。

按此下载全新Yahoo APP，睇尽最新娱乐新闻、乐坛消息、名人热话、热门电影、Netflix剧评，新人更可换领限量新人礼，立即下载！