《KATCH OUR LIFE 陈蕾 x 洪嘉豪 x 魏浚笙 音乐会》将于2024年11月16日假亚洲国际博览馆Arena举行，陈蕾、洪嘉豪Kaho及魏浚笙Jeffrey首度同台演出，近日已密锣紧鼓作最后準备。三人为今次音乐会费尽心思，开show前都特别透露了rundown上的可行性。

今次三个人一齐开show，合作环节当然少不了，问到将会是一个怎样的氛围，例如三人合唱的可会是甜蜜还是伤感情歌，陈蕾十分肯定的说：「甜蜜！我好活泼可爱，我哋三个一齐嘅vibe都几欢乐，所以会想喺台上将呢一面带俾大家，可以唱一啲轻鬆合唱歌。」不过陈蕾与嘉豪本身老友鬼鬼，经过今次合作之后，Jeffrey的加入亦令欢乐气氛昇温，为了避免笑场，嘉豪提议道：「不如你唱，我弹琴！」陈蕾听到也觉得idea不错，更说：「几好喎，好有气质，你唔出声？OK！最好唔见样，净係见到只手，但我惊我净係见到只手都想笑，因为我一望到嘉豪就好想笑，所以我话好紧张呢个show，希望到时唔好失控，因为试过同嘉豪要拍啲好认真嘅嘢，我都係笑到停唔到，好怕呢啲嘢会发生，所以〈永久损毁〉都係同Jeffrey唱好。」嘉豪听罢即表示：可以夹返企位，譬如三个合唱，你净係望住Jeffrey，咁咪得啰！」

至于嘉豪与Jeffrey因为拍电影而成为好友，Jeffrey回忆道：「我哋喺现场唱好多歌，大声唱，发现原来大家听嘅歌都类近。」二人一见面更是「鸡啄唔断」，更频频爆出笑位，令现场工作人员笑得合不拢嘴，未知他们可会将这一面搬上舞台，索性加入栋笃笑元素？嘉豪即表示：「可能大家都好expect我哋喺台上会有啲类似栋笃笑嘅嘢，但係都唔需要，因为我哋平时嘅交流都已经会有咁嘅效果，再加上talk位唔set好都会有爆肚，所以今次音乐会会focus返音乐，呢个组合都新鲜，可以rundown上面有一首陈蕾嘅歌，我哋三个、两个、一个会点演绎，喺音乐上都会好精彩。」Jeffrey也十分认同，道：「今次应该可以呈现到我哋不同面向，平时大家未必见过嘅一面。」Jeffrey又指，今年其实好幸福，他解释道：「今年年中同三个朋友仔开show，年尾又有陈蕾同嘉豪，係一个好创新嘅体验，同嘉豪已有一定默契，眼神交流已经可以心领神会，陈蕾係新相识嘅朋友，发现同嘉豪都係同vibe，觉得係一个好开心嘅组合。」

Visa 及 港铁冠名赞助《KATCH OUR LIFE 陈蕾 x 洪嘉豪 x 魏浚笙 音乐会》

日期：2024年11月16日（星期六）

时间：晚上8时15分

地点：亚洲国际博览馆 Arena

演出单位：陈蕾、洪嘉豪、魏浚笙