《呢度住吓 嗰度住吓》今晚（18日）播出的第11集，拍摄当日是保锜留在福冈的最后一天，Yoyo和Isabella藉此对保锜说了一番心底话，Yoyo欣赏保锜无艺人包袱：「佢係一个艺人同小朋友界别中间，我觉得佢未融合到㗎，仲有进步嘅空间，但我又觉得好过瘾。第一日开头觉得佢有啲粗鲁喎，但你问我，我自己都唔係好温柔啦，你话咩人地啫！佢好愿意表达自己唔好嘅一面，好多时无将artists身份摆出嚟，但社会责任上，应该有啲榜样要做，而佢又真係做紧，比如佢搞跑会，希望每一个人都会健康。」

Isabella则分享自己已经两年无同保锜共事：「我觉得依两年大家都大个咗好多，但某程度上有啲核心价值，大家都有一齐进步紧，我好开心见到保锜依家咁样。」Yoyo笑言：「好老怀安慰？」Isabella答：「咁又唔係，佢老啲。」

本集主要讲述一向有跑步习惯的保锜，率领Yoyo和Isabella跑出国际，三人前往福冈大濠公园，联同跑会Fukuoka Yuru Run一齐跑步，保锜更邀请当地跑友一齐讲「笑一个！」，场面有趣。