伍富桥（Alvin）与太太梁兆楹（Shirley）于2022年结婚；据悉，Shirley父亲从事物流业及食品等生意，拥有两间麻将馆，身家以亿计算，二人结婚后居住于西贡相思湾5千呎豪宅，并不时周游列国，伍富桥因而被标籤为「亿万驸马」。比起伍富桥嘅音乐事业，外界更为关注佢嘅婚姻生活，日前伍富桥宣传新歌《一剧之本》，讲起心痛太太唔係公众人物，但就被人评头品足。

伍富桥当年透过参加《超级巨声4》入行，日前接受媒体访问，提到自己已入行10年，不过直言一只专辑都冇出过，感到可悲；过程中试过半转行去做健身教练，但因锺意唱歌嘅初心而努力走落去，又表示太太义无反顾支持自己，未来嘅发展方向希望将继续出歌，同时计划再拍剧。对于「亿万驸马」绰号，伍富桥表示自己副业月入约4至6万，可以养得起自己，但正常唔会拎份粮单畀人睇，认为太太嘅家底与自己无关，结婚后并唔会拥有对方嘅家底，坦言一开始好介意负评，但相反太太EQ同IQ高，快过佢消化成件事，又安慰佢可以用另一个方向去谂，表示娶到Shirley感到满足同感恩。伍富桥又指好心痛唔係公众人物嘅太太被评头品足，例如係对佢样貌及身材嘅指控，自觉亏欠太太。

对于伍富桥嘅回应，有网民觉得伍富桥追到富贵太太Shirley係佢本事，认为点解女人可以嫁有钱人，但男人就唔得，仲叫其他网民有本事自己娶返个。又有网民认为伍富桥都係贪钱多过係爱情：「唔贪钱，唔通贪佢个样咩」、「其实做到老咬都係实力嘅一种」、「你已经达成好多男人既梦想嫁啦」、「唔讲真係唔知佢係歌手，点解十年都出唔到碟，自己够唔够勤力先？识佢个名係因为佢抛弃Bella咋」等等。

按此下载全新Yahoo APP，睇尽最新娱乐新闻、乐坛消息、名人热话、热门电影、Netflix剧评，新人更可换领限量新人礼，立即下载！