余文乐踏足位于澳洲昆士兰州首府布里斯班附近的一个岛屿—北斯德布鲁克岛、登上玻璃屋山顶峯、及到访被誉为全球十大沙滩之一的白天堂沙滩，在节目中首度亲揭停工七年的原因，原来一切全因身边人对他的误解，他说：「好多人问我：『点解你好似唔係好想做嘢咁？其实有好多年架喇，我啲同事都话：『真係唔知帮唔帮你接（job）』好多人会觉得：『你好似唔係好想捞喎！』我真係唔係！…咁其实我係好想继续拍戏，我会继续拍戏添，不过我唔会好强求呢样嘢，我会做好自己本份，到呢个机会出现喇，我就好好把握。」

成家立室及当了爸爸后将家庭放得更重的余文乐，坦言现在陪伴家人比完成工作重要：「做嘢係做唔完，冇嘢係做得完，尤其是我哋呢一行…要记得唔好等屋企人出事先陪佢，有时间嘅时候，就多啲陪佢哋，我觉得呢样嘢大于一切。」为了争取时间陪伴家人，余文乐除了向经理人表明减产，就连朋友的邀约也近乎一一拒绝：「好多人都以为我好锺意去玩，其实我冇玩好耐，呢个可能讲咗出嚟好多人都唔会信」，说毕，余文乐即扮打电话模拟好友平时邀约外出情景：「点呀，做紧咩?」、「餵紧奶」；「喂！做紧咩?」、「扫紧风」；「喂！食唔食饭？」、「睇吓佢瞓成点先啦。」其实唔係佢逼你唔出去，而係你都唔想出去，你好想见证住佢长大，或者你好想陪住佢。」

原来小时候的余文乐，因为父母忙于搵食，主力由姨妈凑大，平时只有星期六、日才有机会与父母见面，亦因此令余文乐和哥哥免不了抱怨：「细个嘅时候会觉得，点解个个小朋友都有人接放学，得我冇嘅？咁点解每个礼拜，都係得礼拜六、礼拜日可以同阿妈阿爸老豆见面？我好记得，每个礼拜日嘅夜晚，我就一定喊，因为要返去我姨妈屋企，我哥就要返我婆屋企。变相我哋13、14岁开始就有啲反叛、会顶嘴话：『你有照顾过我哋咩？定係我哋畀阿婆姨妈就算喇？」咁我妈（当时）係好伤心又好嬲。」余文乐坦言直到长大后，他和哥哥才明白父母之苦：「你估佢哋想㗎咩，唔通我妈话畀你听佢搬紧货咩？唔通我老豆话畀你听佢跑嚟跑去揾紧食咩？讲都唔明啦。」

因为陪伴着自己长大，余文乐自小视姨妈为「第二个妈妈」：「咁我姨妈同我真係好亲好亲」，可惜当这位「第二个妈妈」病危时，余文乐却因为身处泰国拍戏、未能及时买到赶回香港的机票，而错失见姨妈最后一面机会，令余文乐十分自责。想知余文乐更多与家人的相处点滴，密切留意今晚播出的《与天地对话》。