陈嘉佳（细细粒）近年于内地担任「吃播主」，人气高企及赚到猪笼入水，去年因健康响起警号而积极减肥，由最高峰286磅一度减至最新150几磅。近日，细细粒于社交平台再次分享减肥成效，先于镜头前公开过往身体尺寸数字，之后再即场量度唔同身体部分，其变化结果令人惊讶。

从过往细细粒PO出嘅影片睇到佢明显嘅减肥成效，细细粒明显瘦面，轮廓突出；身形方面，锁骨线条同样明显，双腿纤幼。唔少网民都留言表示细细粒减肥减得好成功。日前，细细粒于社交平台公布减肥成果，以及即场量度身体尺寸最新数字。从影片所见，细细粒成功减走130磅，腰围由135cm减至85.5cm，足足有近50cm。坊间有指减肥会减埋胸，细细粒亦唔例外，上围由130cm减至103cm。

细细粒曾分享佢嘅减肥方法，认为减肥係透过饮食改变体重，并唔主张节食。细细粒会将减肥分成几个阶段，减肥第一个阶段只要遵守三个规则，一个月瘦五磅係基本，包括饮2,000至2,500毫升嘅水、睡眠充足，以及戒精製糖。细细粒亦曾表示指，减肥头三个月感觉好痛苦，但过咗之后就唔痛苦，仲话减肥令佢改变饮食习惯，而家都唔会饮冻嘢。

按此下载全新Yahoo APP，睇尽最新娱乐新闻、乐坛消息、名人热话、热门电影、Netflix剧评，新人更可换领限量新人礼，立即下载！