实测2间话题咖喱！东京过江龙名店+大围屋苑神秘咖喱屋

2024-11-02 生活 57℃ 0

最近有2间咖喱店成为网民bookmark嘅话题店，一间係日本东京过江龙、连人气韩星朴敍俊同美国歌手Pharrell Williams去原宿都要食嘅咖喱饭名店；另一间係隐匿喺大围屋苑、突然爆红嘅本地咖喱屋。究竟两间有咩特别，又值唔值得推介呢？即刻跟开饭仔出发实试啦～

东京过江龙咖喱名店：日式北印度咖喱

锺意潮流文化嘅人，去日本旅行总会到访呢间咖喱店朝圣，事关呢度係由潮流达人Nigo开设嘅品牌，更曾四度入选Tabelog百名店，好受当地人同旅客欢迎㗎，而家喺香港都食到喇！品牌9月初首度开设海外分店，选址喺浅水湾，周遭环境布满绿植同喷水池，十足十香港嘅后花园咁。餐厅装潢沿用原宿店风格，仲带嚟标誌吉祥物Mr.Cumin嘅摆设，环境舒适又不乏摩登感。