乐队ToNick主唱赵善恆（恆仔）与谭杏蓝（小花）于去年2月宣布结束10年爱情长跑，谭杏蓝于半年后公布新恋情，今年8月更被男友Ronald求婚。至于，赵善恆女友近日亦曝光二人同居关係？

赵善恆曾于今年4月九展开骚向传媒透露纹身师女友Kylah Chan已移民加拿大，需要时间适应Long D。昨日（5日），赵善恆女友Kylah Chan于社交平台分享二人合照及同居细节，并直言与赵善恆经常为生活细节吵架，以及抒发拍拖后嘅改变：「同 @hangjai相处既（嘅）呢段时间，有好多时我地（哋）都因为一啲少事而唔开心。有时係佢冇抹乾净洗手盆，有时佢一番到屋企就摊喺度睇电视而冇洗衫，跟住当然我睇到紧係唔顺眼，所以表达既（嘅）时候又尖酸刻薄又mean。佢寻日话『Show appreciation is a very important part of a relationship』，跟住我当然起晒弶，觉得呢啲唔係基本生活应该要做既（嘅）嘢咩，但谂深一层其实我真係一个唔识表达appreciation既（嘅）人，喺原生家庭环境长大从来都冇听过一句『多谢』，所有野（嘢）都係应该既（嘅），当然最后父母日日闹交跟住离婚收场，好多『应该』咁做而从来冇将『多谢』讲出口。」

Kylah Chan表示唔应该用对自己个标準去衡量伴侣：「当我大个咗之后我变成一个好独立嘅人，番工搵钱执屋煮饭我样样都做到，但都因为係咁所以我会拎住我对自己个标準去衡量伴侣，我会觉得一个人应该要做到呢d（啲）野，而带住呢个『应该要係咁』嘅心态真係感情一大伤害，令我睇唔到对方为咗符合我要求要做嘅一啲事。打咁多字只係想讲原生家庭对我哋生命嘅影响，有冇人都係同我一样唔识表达appreciation？Let me give you a hug 一齐学讲『多谢』」。佢又感激赵善恆嘅包容，写道：「多谢你既包容，一齐生活真係唔容易，以后一齐努力。」

按此下载全新Yahoo APP，睇尽最新娱乐新闻、乐坛消息、名人热话、热门电影、Netflix剧评，新人更可换领限量新人礼，立即下载！