慈善团体「点滴是生命」除咗协助发展中国家推行有关「净水与卫生」项目之外，仲有进行社区项目。「点滴在社区」早前接到一个特别求助，一位婆婆屋企几乎被杂物填满，更因为囤积问题而面临被逼迁危机，急需人手帮忙整理家居。于是，点滴团队搵嚟星级助手Stephy邓丽欣同东方昇帮忙「打大佬」。

东方昇都有发文描述今次执屋经过，「四围係飘扬住一浸死老鼠同埋老鼠屎嘅味道…（而婆婆好聪明咁喺垃圾山当中掉咗超过过百包樟脑丸，尝试冚咗嗰浸难闻嘅气味」、「而过程中唔係掉垃圾咁简单，因为婆婆收收埋埋好多钱喺啲垃圾当中，我哋每个垃圾都要仔细睇一睇，睇吓啲袋仔裏面有冇收埋啲银仔。最终掉出嚟嘅垃圾唔係以袋计，係以吨计！最后係成个货车柜都爆晒」。东方昇认为今次执屋自己都有得着。「最重要係我哋有真係有了解佢囤积背后嘅心理，其实我觉得佢係缺乏亲人，甚至街坊街里嘅关心，然后尝试透过购物同埋囤积填补心灵嘅空虚」。成件事未完，Stephy形容情况恶劣嘅厕所，东方昇似乎要挑战进行清理……

按此下载全新Yahoo APP，睇尽最新娱乐新闻、乐坛消息、名人热话、热门电影、Netflix剧评，新人更可即时换领限量新人礼，立即下载！