香港嘅艇仔粉几乎绝迹，自政府停发水上小贩牌照后，全港至今只剩低2艘粉艇，而其中一艘就係出没喺香港仔同鸭脷洲水域交界嘅「流记艇仔粉」。最近粉艇传出好消息，负责人于社交平台公布由艇仔搬上大船并迎来新改变，开饭仔一于亲身到访睇吓有咩唔同！

艇仔粉店主流叔1981年开始做艇仔粉，年近70岁但依然坚持亲自掌舵兼包办煮粉、斩料、招呼客人等。以前嘅流记艇仔粉係假日限定，会「游走」喺香港仔同鸭脷洲沿岸，食客要现场留意艇仔粉嘅蹤影，或者致电流叔查询位置先食到，一般下午4点卖晒就收档。

流记香港仔艇仔粉地址：香港仔香港仔海傍道香港仔海滨公园

文：Sharon编：Cathy相：Yan Yan