香港乐坛喺八九十年代出产唔少知名歌手，推出多首令粉丝们至今都津津乐道嘅粤语金曲，估唔到保安局局长邓炳强都係香港歌迷！邓炳强喺社交平台分享，话自己出席咗一个推广粤语流行曲文化嘅活动，更透露自己「由细到大都好锺意听歌，特别係八九十年代嘅粤语金曲」，仲话歌手实力非凡、歌词饶有意义，无形中亦影响佢人生嘅价值观。

究竟係咩歌可以影响局长嘅价值观呢？邓炳强就话，自己记得林子祥嘅《谁能明白我》正向励志、威利嘅《胸怀大志》热血正义、Beyond嘅《真的爱妳》孝道满心、卢冠廷嘅《陪着你走》深情不变、阿姐嘅《勇敢的中国人》慷慨激昂。佢仲话歌唔怕旧最紧要好听，而呢啲歌今日仲喺佢嘅歌单上，「呢啲金曲全部陪住我成长，相信亦係好多人嘅必然歌单，更加係我哋香港人代代相传嘅瑰宝。」

原文刊登于 AM730 https://www.am730.com.hk/本地/邓炳强出席粤语流行曲活动分享爱歌歌单-称-无形中影响我嘅价值观-ray-online/507539?utm_source=yahoorss&utm_medium=referral