【on.cc东网专讯】日前，随着国产电玩游戏《黑神话：悟空》推出，掀起热议嘅同时，早年凭电视剧《西游记》、《齐天大圣孙悟空》中「孙悟空」一角爆红嘅艺人张衞健，剧中嘅口头禅：「型到跌渣！」更係深入观众心，一度掀起模仿热潮。

而当年张衞健为咗演出孙悟空一角，每次化妆都耗时几个钟，喺2020年张衞健、黎耀祥及麦长青曾喺节目上重谈当年拍剧嘅辛苦，成日拍到凌晨3、4点先收工，朝早6点又要继续拍外景，因此每日剩係瞓得两个钟，完全冇时间卸妆嘅佢哋，更成日要化住妆瞓觉，回想番根本係不可能嘅任务外，如果要佢再出演一次西游记相关作品，张衞健更表示希望出演「猪八戒」，可以有更多发挥空间之余，仲唔使好似沙悟净咁要抬木箱，算係一个比较快乐嘅角色。

此外，2004年同细9岁张茜结婚嘅张衞健，多年嚟2人都膝下无子，对此张衞健则透露2008年张茜一度怀孕，但不幸小产，至于冇小朋友会唔会感到终身遗憾，张衞健则巧妙道：「未必，如果生一个会气死我的小孩不就糟糕了？」

【更多影剧新闻详情请上东网新闻】