半年前，Gin Lee为网上平台「JFFLIVE音乐擂台」担任嘉宾，除了跟主持chit chat吹水，又跟phone in网民battle唱足三粒钟，玩到凌晨，除了被网民大讚贴地，直播更达万人收看，打破平台开台以来纪录。期间周殷廷（YT）「牵红线」大推素人歌手Rio跟Gin出合唱歌，当时Gin爽快答应会拿自己今年出歌的一个Quota跟Rio合作，网民都纷纷叫好。事隔半年，昨晚（19日），二人合作的单曲《无彩色》正式上架，网民除了大讚Gin是「找数真满子」，又留言：「音乐擂台做左咁耐有过咁多个歌手上黎做嘉宾，从来冇一个歌手肯用自己公司资源去同一个素人观众出歌，就净係得Gin Lee做到，Gin Lee令到Rio同我地梦想成真，我地都係时候帮番佢梦想成真。」、「真係 全年5首歌quota其中一个比咗Rio」、「多谢ginlee愿意用公司资源同rio出歌，多谢YT大哥搭线促成呢个壮举，两个到好值得支持 5000人睇咗直播，一人一票送ginlee YT JFYT 上叱咤5强啦！」

昨晚Gin强势回归「JFFLIVE音乐擂台」宣布及首唱二人合唱歌曲《无彩色》。Gin表这次身兼两职，除了负责唱的部份，亦是这次歌曲的producer，她忆述这次製作歌曲经过重重困难，「我、Rio、YT三个经过好多嘅沟通，如果我同Rio合作，究竟会係一首点样嘅歌？concept、题材、musical style等等。as一个producer，我真係需要了解Rio多少少，所以我哋倾咗好多次电话，甚至乎会倾一啲好Deep嘅嘢，亦都好多谢Rio嘅信任。」歌曲填上全日文歌词，Gin透露最初的构思是自己唱广东话、Rio唱日文，但最后决定全日文演唱。为了这首歌曲，录音前及录音期间，Gin特别找来日文老师「监听」，「呢首歌係我史上录得最不安嘅一首歌，因为我judge唔到自己唱成点，唔知道个韵味或者accent啱唔啱，老实讲我都好惊㗎，但係我都尽我所能去录，录完即刻send俾老师听，佢ok我先再move on。」

歌名《无彩色》，Rio代表「无」、黑白的部份；Gin代表「彩色」部份，Gin表示跟Rio倾谈时，感受到她的恐惧、不安及没信心，但Gin每一次都尽力给Rio鼓励，「俾佢大胆去express自己，大胆啲想讲自己嘅心底说话。经过半年时间，我哋排除万难去做咗一首歌出嚟，真係好唔容易。所以我同Yan（YT）都好想Rio明白一样嘢，就係要相信自己多啲。」Rio表示这次的合作可能是「可一不可再」，十分珍惜这次合作。首唱前，Gin带定头盔并笑说：「如果甩咗唔好笑我呀，因为呢首唔係慢歌，我会睇唔切啲字㗎，哈哈。」