的士服务质素继续成为社会焦点，近日一位的士乘客在深夜搭上一辆「亡命的士」，事关的士竟在未关上车门下，照常在马路奔驰，事主更拍下惊险影片分享，有网民调侃「似玩机动游戏」、「冷气都唔洗开」，亦有不少人指责司机危险驾驶。

该名男乘客早前于社交平台Threads上传的影片可见，的士在他拍片时已在行驶途中，但乘客一旁车门完全打开。帖文表示「揸车之后都冇咩搭过的士，跟住一搭的士就咁刺激，车门都唔使闩」，可见当时车速并不算慢，情况相当惊险。有网民追问「司机冇留意到未闩门咩？」，事主回应指「冇，如果我冇同佢讲佢真係谂就咁车到我返屋企」，又形容当时情况「最惨係咩叫住佢仲行紧，叫咗佢几次佢净係喺度揿掣唔停车，所以先拍条片出嚟」、「已经提咗佢啦，佢唔停车，净係喺度揿嗰粒掣」、「一上车就咁样，唔通跳车」。

相关帖文引起网民热议留言。有网民形容情况惊险，调侃「似玩机动游戏」、「正喎的士收费但机动游戏体验」、「人地开蓬跑车，你坐开门跑车」、「其实都几爽」、「够大风，唔怕热」、「冷气都唔洗开」、「方便落车，又方便逃单」、「沿途望出车外，是命丧的感慨」、「当坐电单车啰，咁你会觉得好安全！」

亦有不少人指责司机危险驾驶，「如果你真係跌左出去，唔只你受重伤，司机都要负责任」、「即係代表咗呢个司机唔会望后镜、侧镜，安全意识好差」、「跌出去碌死咗，告谋杀定误杀？」、「司机危险驾驶，一定告得入信我」、「提早跳车连的士钱都悭返，仲可以告佢疏忽赔埋汤药费，到时仲唔发过猪头」。

原文刊登于 AM730 https://www.am730.com.hk/本地/网上热话-深夜亡命的士开门奔驰-男乘客被调侃-机动游戏体验-/508617?utm_source=yahoorss&utm_medium=referral