艺人龚嘉欣喺《企业强人》中饰「方芳」一角，凭犀利喊功被网民封为「泪之女王」嘅佢，演技备受肯定嘅同时，亦係今年台庆视后嘅热门人选之一。而不知不觉入行16年嘅佢，日前亦喺社交网晒出多张唯美嘅庆生照，只见着上纯白露肩上衣嘅佢，尽骚香肩锁骨之余，典雅气质更係相当抢Fo，同时龚嘉欣大方分享生日愿望道：「我嘅生日愿望就係，希望我身边嘅每一位都身体健康（包括睇紧嘅你）！」并透露自己近期身体检查时发现身体有啲毛病，但经过多位医生嘅尽力帮忙，令佢情况得到改善，虽然龚嘉欣未有透露详细病情，但就安慰大家道：「虽然仲未返到去最佳状态，但係我会努力养好自己身体，大家唔使担心！」