谢嘉怡（Lisa）2020年以大热姿态勇夺香港小姐冠军及最上镜小姐，成双料冠军，中英混血儿并拥有深邃轮廓嘅谢嘉怡更被大讚係近年最美港姐之一。今日（16日）佢喺社交网站宣布两爱犬Summer与Peach突然离世，原因係遭人精心策划蓄意下毒。

一向热爱小动物嘅谢嘉怡，养有三只爱犬Summer、Leo与Peach，不过噚日（15日）Summer与Peach疑食咗有毒嘅肉突然离世。喺今日佢喺社交网站上载爱犬及有毒嘅肉图片，并以英文发长文交代事情经过：「我怀着最沉重的心碎心情去写下这篇文章的。噚日下昼我带着我的三个孩子散步，但最后我只能带Leo回家。我哋喺林村社山村尝试行一条新路返屋企，点知有啲非常噁心、可怕和不可原谅嘅人决定喺路上留下一顿充满毒药的肉宴。当我见到佢哋嘅时候，佢哋已经开始跌倒并癫痫发作。不幸地Peach未能捱到见兽医，而Summer亦很快过身，兽医话嗰啲食物加咗神经毒素，即係食咗之后会即刻攻击佢哋嘅大脑，所以无能为力。

我感到困惑和痛心，点解我嘅爱犬唔可以同我一齐返屋企？点解我今日瞓醒个心有有两个巨大嘅洞？有咩必要杀死两只无辜的狗仔？虽然我感到崩溃，但做呢件事嘅人依然正常地生活，可能去睇有冇动物上钩。

昨天我对人性已经失去信心，不过依然遇到有心人帮我叫的士，喺巴士站亦有人尝试俾牛奶帮助佢哋，而的士司机见到狗仔嘅恐慌同痛苦，并冇向我哋收取一分钱。感谢兽医尽最大努力及半夜发消息俾我话我和Leo有冇事。他们令我恢复外面有好人嘅信心。

今日我起身就準备为爱犬挺身而出，唔会俾佢哋无缘无故咁死，并倡导变革。为何购买这些产品係合法呢？如何令动物步行安全？同埋点解销售呢啲产品冇保障措施？如果有人可以毒害动物，咁点样阻止佢哋对人类下毒呢？

呢啲毒药都可以杀死我们，正如大家从最后一张相片所见，呢个係经过精神策划，佢哋有一只烤鸡、香肠和其他任何动物锺意食嘅肉，佢哋甚至将食物放喺一个盘度俾佢哋食。晚安我的宝宝 G 和晚安 peachybum-