TVB上位小花何依婷（Regina）与圈外男友Cedric于去年5月喺峇里岛举行婚礼；早前佢宣布怀孕5个月，荣升做準靓妈。噚日（17日）就係佢哋结婚一周年，何依婷喺IG上载婚礼短片，令到一众网民都感受到佢哋嘅甜蜜。

幸福人妻何依婷喺IG上载婚礼短片，留言话「12.16 纸婚 我们70年的约定 眨眼又过了一年 期待我们继续一起成长 一起变老 Happy first wedding anniversary Thank you for always being my Genie with unlimited wishes Love you for a thousand more❤️ #oneyearanniversary」，唔少网民都纷纷留言送上祝福。

过去何依婷只係上载老公侧面嘅照片，今次嘅影片难得见到Cedric嘅正面。影片一开头就有何依婷与陈诗欣、蔡嘉欣、张秀文及锺晴等姊妹喺酒店房间内洒花瓣，之后何依婷及Cedric换上中式及西式嫁衣，进行浪漫嘅婚礼。

何依婷曾透露与老公Cedric为大学同学，二人相识多年，经深思熟虑后开始关係，而对方大佢一岁，係物流公司老闆；据悉其家境唔错，係一名富二代。有指，二人婚后搬入「红磡楼王」海名轩居住，单位市值约3,000万元；早前何依婷于社交平台分享布置圣诞树嘅影片，曝光豪宅内部装潢。

按此下载全新Yahoo APP，睇尽最新娱乐新闻、乐坛消息、名人热话、热门电影、Netflix剧评，新人更可换领限量新人礼，立即下载！