首次拍贺岁片《临时对决》的王丹妮，除了要动作上阵外，还要苦练忍笑功，以配合贺岁喜剧片气氛。

Louise(王丹妮）形容自己是戏中最容易笑的一位演员，她不好意思的说：「我承认拍摄过程中最忍唔到笑；我之前冇拍过喜剧，所以对我嚟讲都好新鲜，原来都係一个挑战，要忍笑真係唔容易，好彩我锺意睇笑片喜剧，又係一个好容易笑、好容易喊嘅人。不过后来俾我搵到个跷妙，喺现场拍摄前同Rehearsal嘅时候都会笑咗先！一于笑饱佢，到正式拍摄嘅时候就尽力忍笑，enjoy个moment感受；就係咁大家来来回回，同对手嘅对白唇枪舌剑，令件事好生动、有趣起来！」

提到为拳击戏份努力练拳可曾受伤？Louise 战战兢兢说：「对于泰拳，我係零知识，真係初学者，由基本动作开始学，有少少难度，但都算学得快，平时同教练切磋，不时加紧练习；加埋镜头配合，感觉都几流畅，绝对交到功课㗎！当然同娜姐对打始终有难度，我唔係好有对打经验，所以要记住每一个Step，唔可以记错，如果娜姐打左边，而我记错咗打右边，咁又要从头嚟过，甚至会可能唔小心互相弄伤，练习期间间唔中都会出现咗呢啲小问题，好彩拍戏嘅时候，记实咗啲步伐就顺利过关啦！」

虽然电影短短过多月便完成，但Louise亦分享了拍摄过程的喜怒哀乐事。她回味的说：「「喜」，我觉得拍戏一齐去度笑料，令到件事有趣，好好玩！同埋渐渐领略到喜剧说话用不同嘅语调节奏，都会令到件事好笑，我就悟出个道理来，就係认真到极致而突然做埋啲傻表情同反应，有反差反而都会几好笑。「怒」方面，就係打拳嘅时候，有时被打中咗几拳，就会怒火开始出现。这样其实好帮到入戏，会令自己更加放开做令场戏更真实及好睇。「哀」就睇住我教练高秋（胡子彤）俾人打觉得好惨，虽然内心会觉得，自己终于唔使俾人打，今次係睇人俾人打，但係睇到佢俾人打都会有啲心悒，戥佢好惨」「乐」就一定未Roll机之前，大家会嗌啲宵夜倾吓偈、讲吓笑，呢啲moment对于演员嚟讲，係好开心嘅美好回忆。」