26岁kayan9896（吴家忻）近日获邀请担任YouTube节目《醉酒Don’t Call》做嘉宾，期间玩游戏输咗打电话俾旧公司嘅同事问有冇嬲佢离开。节目出街后，「试当真」随即喺Threads出PO否认有台前幕后接收过电话，令事件出现罗生门局面。刚刚叫饶舌歌手TIAB于threads出post，自认就係电话中人。

饶舌歌手TIAB指：「唔使估啦，电话个个其实係我，冇谂过咁真诚嘅对答都满城风雨，咁大班人恰个女仔，睇嚟好多人想佢死，但我就撑佢，吹咩」TIAB并非试当真成员，而係一间音乐公司嘅老闆，旗下就签有Kayan，双方一直以来喺音乐上合作，为Kayan出歌。所以所谓Kayan致电嘅前同事，其实係呢个朋友，而非大家想像中嘅试当真成员。