88岁梁葆贞出身自演艺世家，为着名粤剧及电影演员梁醒波女儿，两名姊妹文兰及梁宝珠皆为演员。梁葆贞过往因拍摄长寿处境喜剧《香港81》至《香港86》「顺嫂」一角演活草根师奶本色而深入民心，又曾参演情境喜剧《餐餐有宋家》及长寿剧《真情》。不过，梁葆贞已退休近10年，随女儿移民加拿大享清福，偶尔返港与老朋友聚旧。早前，梁葆贞接受香港演艺人协会《传承．前辈专访》访问，大谈当年工作辛酸；其中又提到多位后辈对老人家相当尊重，包括梁朝伟、张国荣。

梁葆贞表示当年因为无存货嘅关係，拍摄非常紧张，由早上9时回到TVB，拍摄到下午5时，剪接后晚上8时播出：「每日都係咁，我哋回到去个剧本仲係暖嘅，啱啱印出嚟，我哋硬将对白塞入脑，无预先拎剧本呢样嘢」；又提到自己当年住喺锦绣花园，早上接6时通告返工路程特别困难：「06通告唔死啊？」梁葆贞忆起当年与梁朝伟拍摄剧集《侠客行》期间，对方问佢翌日通告时间：「嗰日伟仔车我返屋企，佢问：『你听日几点通告呀？』，6时啰，佢话『唔好咁早返』，我问点解啊？」梁葆贞表示当时梁朝伟解释指二人翌日将同场拍摄，但自己会返8点，所以叫梁葆贞预返到咁上下时间先返。不过，梁葆贞指当时大家地位唔同，担心梁朝伟如果失眠早返到公司，自己迟到会被责骂，最后仅迟到半小时，于6点半到达公司。梁葆贞忆述当年梁朝伟返到公司后微微笑咁问佢几点返到，对方指：「话咗你又唔听」，梁葆贞则与梁朝伟表示：「我话惊你阿哥失眠，你返咗我未返，我会死㗎」。

此外，梁葆贞提到好多后辈都好友善，例如「哥哥」张国荣，表示二人无真正合作过，但张国荣经常于电视台工作，撞口撞面；对方仅客串过一集，于剧内饰演租客，因而接触多咗。梁葆贞表示当张国荣得知佢去咗温哥华，讲咗句：「返温哥华唔搵我！」，梁葆贞当时向其解释指：「我话大哥我冇你电话、冇你地址去边度搵你啊！佢话：『我