喺2021及2022年度叱咤乐坛流行榜颁奖典礼连夺「我最喜爱的女歌手」大奖嘅郑欣宜Joyce，去年3月举行完红馆演出后忽然销声匿迹。但近期有传，欣宜可能会喺听晚商台举行嘅「2024年度叱咤乐坛流行榜颁奖典礼」上现身做嘉宾！

欣宜神隐初期一度被传媒指佢挂住拍拖而「潜水」，Joyce嘅经理人林姗姗回应传媒时就话「Joyce的确係病咗，疗伤之中」，但并未交代具体情况。去年底Joyce为好友许廷铿歌曲《一场同学》MV演出，又为动画片《星愿奇缘》担任粤语配音，似为复出做足準备，不过之后欣宜又再消息杳然。早前商台DJ梁文礼发文话喺街上撞见郑欣宜，仲问係咪要迎接对方复出？Joyce当时笑一笑同梁文礼话「畀啲时间我」。

按此下载全新Yahoo APP，睇尽最新娱乐新闻、乐坛消息、名人热话、热门电影、Netflix剧评，新人更可即时换领限量新人礼，立即下载！