2024年度叱咤乐坛流行榜颁奖典礼将于元旦举行，各个由乐迷投票得出结果嘅「我最喜爱的」男、女歌手、组合及歌曲大奖亦已于早前嘅投票中决出5强 －

MIRROR成员一如往年包办多个「我最喜爱的」大奖嘅5强，男歌手同歌曲当中都佔3席。值得留意係，连续6年有歌曲入围「我最喜爱的歌曲」最后5强嘅姜涛，过去4年已经夺得呢个奖。假如姜涛今年再度赢得「我最喜爱的歌曲」，就可以追平张学友同陈奕迅五度夺得「我最喜爱的歌曲」大奖嘅纪录。同时姜涛今年入围「我最喜爱的男歌手」大奖，假如得奖将会係佢第三次「封王」，并追平张学友及黎明三度成为「我最喜爱的男歌手」嘅纪录。至于能否挑战陈奕迅9次得奖纪录，就要睇佢未来几年嘅发展嘞。

另一大奖「我最喜爱的女歌手」方面，虽然近年香港女歌手声势未如男歌手般，但今年5强形势更见平均。去年得主陈蕾今年未能保持声势，Gin Lee、JACE 陈凯咏同Serrini各自基本盘支持都唔弱，而前辈级嘅郑秀文喺社交平台支持度唔差，好可能係黑马！假如Sammi成为今年「我最喜爱的女歌手」，就会係佢事隔23年再度获此殊荣。

按此下载全新Yahoo APP，睇尽最新娱乐新闻、乐坛消息、名人热话、热门电影、Netflix剧评，新人更可即时换领限量新人礼，立即下载！