陈家乐同陈晓华主演嘅《异空感应》，早两晚嘅段落剧情，讲述阮浩棕同丁乐锶（Janice）一段病态关係，饰演「变态爱情脑」嘅Janice演绎出角色嘅癫丧，网民更封佢为「赵希洛2.0」。

唔少TVB演员都打多份工保障生计，丁乐锶演戏以外仲係一个兼职礼仪师。Janice话因为阿姨关係所以有兼顾礼仪师工作，主要处理基督教同无宗教嘅丧礼仪式。「太传统嘅仪式我未必好帮到，我多数都係执头执尾，可能係帮手叠番靓啲花，例如帮手剪靓同叠靓啲花、然后畀宾客放喺棺木上，又或者睇吓家属需唔需要帮手处理帛金，又或者喺佢哋心情好差时，有咩帮到手都尽量去帮手。」丁乐锶认为礼仪师呢个行业，对佢而言最大嘅难处，可能係有时见到逝者嘅亲友好伤心咁喺度喊，就算自己受到感染都要尽量忍住唔好喊。呢期《破．地狱》破晒票房纪录，TVB可以考虑开返套，预埋丁乐锶一份喎。

按此下载全新Yahoo APP，睇尽最新娱乐新闻、乐坛消息、名人热话、热门电影、Netflix剧评，新人更可即时换领限量新人礼，立即下载！