踏入年尾，又是总结过去一年的时候，今年出道的乐坛男新人曾傲棐（Arvin）日前找来女团Lolly Talk成员Sinnie合作，一口气唱出本年度歌曲精选Medley，影片上架后，一直停留Youtube热门音乐影片二十大，认真厉害。

虽然二人于幕前没甚交集，但原来他们入行前已认识，更是一起busking的小伙伴。随后Sinnie加入乐坛，Arvin亦于今年出道，Arvin谓：「适逢今年自己入行，年尾又想做啲特别小小嘅企划，脑入面Sinnie就係我嘅不二人选。觉得大家以第二个身份再走埋一齐合唱嘅感觉好奇妙。」Sinnie亦谓自己十分喜欢Arvin声音，二人喜欢的类似的音乐，「所以今次佢一邀请我玩，我即刻觉得要搞大佢啦。」于年尾来一个「年度歌曲大Medley」，拣歌成为最大难题，二人均表示「拗爆头」，「我哋净係倾拣啲咩歌都倾咗两个钟电话。我谂呢一啲歌就係我哋喺嗰一刻觉得好代表到我哋呢年嘅up and downs嘅作品。」Sinnie更说一次唱那么多首劲开心，「就好似以前唱K去到最后一刻一定要点《劲歌金曲》嗰个感觉……好爽！」Arvin则指因为今年有不少作品在不同时间为他分担了不同的情绪，「加上今年係第一年成为一个歌手，好想用一个特别嘅企划为自己特别一年做一个纪念。」

众多歌曲中，Arvin跟Sinnie均最喜欢《恋爱脑之死》 x 《解咒说明书》那一个部份，Arvin坦言这是当他跟Sinnie通电话时一个很random的想法，「无论係歌词上定係音乐上，都好有一唱一和嘅感觉，咁不如我哋叠住唱啰。最后嘅效果我哋都好锺意，觉得好有趣，可能有时一啲得意嘅创作就係咁即兴先嚟得可贵。」

以前是Busking小伙伴，入行后二人未有机会合唱，这次再合作，二人大感奇妙，「大家各自用唔同嘅身份再次合作感觉真係好奇妙，感觉大家对音乐嘅睇法都成熟咗，好有一种『隔咗咁耐终于见番而我哋依然係一齐向前进』嘅感觉！」Arvin续说：「尤其见到Sinnie女团或者其他嘅发展都好成功，有一种感觉，觉得自己都要加把劲啦。又咁啱近年尾，今次嘅合作係为我带嚟咗一啲小感动同埋温暖。」