陈百祥（阿叻）与谭咏麟和曾志伟组织「香港明星足球队」，希望将整个演艺圈凝聚一起，不过自从阿叻于汕头作赛怒踢对手惹热议，就再无现身作赛，更自组另一队「精装明星足球队」，成员包括马国明、洪天明、谢天华、陈展鹏及吴卓羲。阿叻曾解释另组「精装明星足球队」嘅原因，指「香港明星足球队」队员都70几岁，唔会永远由佢哋踢落去，因而决定带第二队，训练艺人到不同地方踢足球比赛，亦想观众有啲新面孔见吓。日前，阿叻出席《2024EYT好友会联欢晚宴》活动再次回应媒体访问，表示与「香港明星足球队无不和，只係自己同佢哋某啲位有出入。

阿叻表示「香港明星足球队」个个大咗年纪，更用上「谭生」称呼谭咏麟，直言无可能叫佢踢90分钟，亦指佢哋一星期只练一日波，而自己以前係踢职业，一星期踢四日；又指佢哋踢啲较容易嘅足球，但自己锺意踢啲有竞争性嘅足球，想踢认真啲所以另组多队足球队。阿叻早前亦透露新队伍「精装明星队」每一个人大家都认识，即使自己无小朋友未能一代一代地接下来，宜家都可以承传落去，不过，自己都会与香港明星足球队练波、踢波，其实无太大分别咁话。

至于传与「明星足球队」不和，阿叻表示不过是「合久必分、分久必合」，更直言：「佢哋锺意钱，要开演唱会，咁我就退休，又唔等钱使。」对于两队踢友谊赛的可能性，阿叻表示：「边可能，佢哋年纪咁大！」

按此下载全新Yahoo APP，睇尽最新娱乐新闻、乐坛消息、名人热话、热门电影、Netflix剧评，新人更可换领限量新人礼，立即下载！