启德体育园青年运动场礼拜日将会举行第一场测试赛，呢场足总乙组联赛预计会吸引约1,000人入场。新任体育专员蔡健斌今日再次到访青年运动场嘅草地，着住西装同皮鞋嘅佢，仲即场同启德体育园总监(策略发展)邓竟成即场猜咗几下波喎。

启德体育园周日赛事3时开放入场 呼吁观众经宋皇台站步行5分钟前往

邓竟成就话，足球场嘅草地係用珠海种嘅真草，早排分咗4日喺当地运嚟香港，日后如果有部分草地损伤，就可以切割一部分出嚟替换或者修补，维持场地使用效率高啲。草地下面更加有一个雨水收集系统，同大厦天台一齐收集雨水，再储喺场馆周边嘅水缸，过滤咗之后就可以用嚟灌溉草地喇。

另外，启德体育园好多範围仲係地盘，邓竟成话自己朝早喺写字楼出发时，都要戴晒安全帽、着住反光衣先准喺入面行，戴埋副太阳眼镜真係第一眼都认唔出佢。

原文刊登于 AM730 https://www.am730.com.hk/本地/ray-online-新任体育专员同邓竟成猜波-启德体育园球场地底有玄机-/500117?utm_source=yahoorss&utm_medium=referral