林峯今年凭电影《九龙城寨之围城》陈洛军一角人气急升，工作不断，近日仲与胡子同及阿正拍摄活络油品牌电视广告，而佢嘅广告仲刊登喺尖沙咀天星小轮附近嘅超巨型广告牌上，有网民更指广告照可以同大阪心斋桥道顿堀地标「固力果跑跑人」媲美。

近日林峯与胡子同及阿正拍摄活络油品牌电视广告，广告除咗充满「城寨」感觉之外，仲有精彩嘅武打场面，而戴上黑超嘅林峯更做出双手举高及单脚站立嘅「飞鹰出爪」动作，身后係一对熊熊烈火嘅大翅膀。

除咗呢个电视广告引起关注之外，喺尖沙咀天星小轮附近嘅超巨型广告牌同样备受瞩目。林峯同样做出双手举高及单脚站立嘅动作，虽然该广告被网民指老土，但就认为可以同大阪心斋桥道顿堀知名景点「固力果跑跑人」媲美，可以做游客打卡位：「唔係个个carry到」、「第一眼睇我都心谂做咩，但其实配合返品牌本身形象其实又觉得好合理」、「乐坛欠林峯一个胶袋」、「又多个游客打卡位」及「我觉得林峯呢块板 直头值得申请盛事基金 令香港变成心斋桥咁热闹」等等，同时亦有网民认为陈展鹏比林峯更适合做代言人：「林峯非常好，但总觉得陈展鹏更合适」。

按此下载全新Yahoo APP，睇尽最新娱乐新闻、乐坛消息、名人热话、热门电影、Netflix剧评，新人更可换领限量新人礼，立即下载！