日前，关智斌（Kenny）、卫诗雅（Michelle）及冤枉娱乐主理人「枉阿姐」受邀，为「Rhythm & Brews by YouTube」期间限定展，并进行以「内容策略如何协助艺人建立形象」为主题的Fireside Chat互动访谈。

六年前，Michelle开始成立自己的YouTube Channel，当中的「卫食攻略」愈拍愈受欢迎，不过原来开始的时候她十分抗拒，「我係嗰啲想好专心做一样嘢嘅人，我净係觉得我净係拍戏！拍戏以外嘅任何嘢我都唔想做！以前嘅我係连访问都唔锺意做，我净係想做关于电影嘅嘢。」不过由于开戏的不稳定性，枉阿姐便建议她投入「YouTuber」行列，「我话唔好啦，枉阿姐就话：『你试吓啦。』冇办法啦，冇戏拍。『卫食攻略』都係佢哋帮我谂，因为觉得我个人贴地，就话不如拍一个咁样嘅Channel。」

至于Kenny，他坦言由始至终都没想过自己会做一个YouTuber，疫情期间是一个转捩点，「平时嘅工作好多都停顿咗，讲得白啲即係冇嘢捞，哈哈。嗰段时间我睇多咗好多YouTube，开始觉得我唔使每次有演唱会或者出碟先至见人，其实我可以喺呢啲片入面，同到好多人接触。拍Youtube唔係净係拍一、两条片，係要keep住长期拍挧，你要好有passion先得，人哋可以了解到你最真实嘅一面。」

「枉阿姐」绝对是二人的幕后推手，她忆述最初加入公司时，拍了大量不同类型的搞笑短片，但没有适合平台播放，于是胆粗粗向CEO建议，「『可唔可以开一个Channel喺俾我摆一啲我哋拍嘅片、自家嘅contentt上去？』佢话：『好吖！你开啦。叫咩名好呀？』我话要玩嘢少少，不如叫『冤枉』啦，即係英皇嘅谐音，开头谂住讲吓嘅啫，点知老闆OK喎，原来佢比我想像中玩得，佢行得好前。我仲记得第一个project係许靖韵嘅『小背心』。」

问到拍片的最大挑战，Kenny直言在Youtube世界中，艺人不会有特别优势，因为网民只会对着重短片内容，跟艺人身份毫无关係。但他坦言因为拍摄「斌菲特」系列而增长不少知识，「因为呢个Channel真係要讲一啲投资、资讯性嘅嘢，每集嘉宾都係喺自己範畴入面係一个好劲嘅人，我真係唔可以完全乜都唔知就去做呢个访问，因为咁亦都係好唔respect呢个嘉宾，喺呢一段时间我真係增长咗好多嘅知识。」Michelle则大爆拍摄时撞破偷情男女，「我哋拍『卫食攻略』，经常要去啲小店拍摄，小店多数都比较细间，我哋要避开啲人群嚟拍摄。有一次拍拍下突然间有个男人冲埋嚟，揞住个镜头叫我哋唔好怕，原来佢喺度同另外一个女仔偷情。条片係有出嘅，不过其实都影唔到佢哋，哈哈。」