冯盈盈（Crystal）与庄子璇（Hilary）甚有渊源，不但同为香港小姐冠军，亦毕业于香港大学食物及营养学系，无论係TVB定係港大都属师姐妹关係。早前二人一同回母校接受香港大学访问，期间全程用英文对答，不过冯盈盈就被指好造作到好似背稿，而庄子璇就相对自然，引起网民热烈讨论！

日前冯盈盈与庄子璇孖住返母校，接受香港大学理学院嘅访问，全程用英文对答。访问片段亦喺近日出街，23分钟嘅访问过程中，冯盈盈表现淡定，不过网民就认为佢英文口音及身体语言都非常作状，而旁边嘅庄子璇虽然时有甩漏，但表现相对自然，留言话「响屋企practise 左好多次至敢出黎讲」、 「Crystal讲同behave 得好造作」、「FYY坐姿好硬，刻意挺直！ Hilary自然d」、「讲英文嘅FYY作状level又升左级 Hilary嘅口音好似听落舒服少少」、「听几句就知FYY英文好好多 作状还作状但唔同LEVEL」、「Fyy似有备而来 Hilary临场发挥口窒窒」、「FYY好努力读好每个音影响咗流畅度」等等。

按此下载全新Yahoo APP，睇尽最新娱乐新闻、乐坛消息、名人热话、热门电影、Netflix剧评，新人更可换领限量新人礼，立即下载！